Այսօր Անի համայնքի ղեկավար Արման Սարիբեկյանի նախաձեռնությամբ Անիի համայնքապետարանում տեղի ունեցավ հերթական աշխատանքային խորհրդակցությունը, որին ներկա էին համայնքապետարանի պատասխանատու ստորաբաժանումների ղեկավարները, Անի համայնքի ավագանու անդամներ։ Նիստին հրավիրված էին մասնակցելու ՀՀ ՆԳՆ համայնքային ոստիկանության գլխավոր վարչության Անիի բաժնի պետ, ոստիկանության գնդապետ Արթուր Ղազարյանը և բաժնի պետի տեղակալ Ավետիք Խաչատրյանը։ Օրակարգի հիմնական թեման համայնք֊ոստիկանություն սերտ համագործակցության հաստատումն էր, որի շրջանակներում անդրադարձ կատարվեց դեռահասների շրջանում թմրամիջոցների օգտագործումը կանխարգելող ուղիներին և թափառող շների թիվը նվազեցնող միջոցներին։ Համայնքի ղեկավարը կարևորեց համայնք֊ոստիկանություն փոխհամագործակցության խորացումը և աշխատանքային արդյունավետությունը համայնքային խնդիրների լուծման և քաղաքացիներին մատուցվող ծառայությունների որակի բարելավման համար։ Ոլորտային պատասխանատուները ներկայացրին անցած շաբաթվա իրենց կատարած աշխատանքները և համայնքի ղեկավարի կողմից ստացան նոր հանձնարարականներ՝ համայնքային առաջնային խնդիրները հրատապ լուծելու համար։