Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության հողային օրենսգրքի 67-րդ հոդվածի 1-ին, 2-րդ, 3-րդ մասերի, 68-րդ հոդվածի 5-րդ մասի, <<Նորմատիվ իրավական ակտերի մասին>> Հայաստանի Հանրապետության օրենքի 36-րդ հոդվածի 1-ին մասի 1-ին կետի, 37-րդ հոդվածի 1-ին մասի դրույթներով և հիմք ընդունելով համայնքի ղեկավարի առաջարկությունը.

1. Հայաստանի Հանրապետության Շիրակի մարզի Անի համայնքի Մարալիկ քաղաքի վարչական սահմաններում գտնվող, համայնքի սեփականությունը հանդիսացող 08-003-0020-0205 կադաստրային ծածկագրով 0,02045 հեկտար, 08-003-0020-0181 կադաստրային ծածկագրով 0,0144 հեկտար և 08-003-0043-0035 կադաստրային ծածկագրով 0,005 հեկտար բնակավայրերի նպատակային նշանակության, հասարակական կառուցապատման գործառնական նշանակության հողամասերն օտարել աճուրդով:

2. Հաստատել սույն որոշման 1-ին կետով նախատեսված աճուրդով օտարվող հողամասերի մեկնարկային գներն ու աճուրդի պայմանները՝ համաձայն հավելվածի:

3․ Ուժը կորցրած ճանաչել Հայաստանի Հանրապետության Շիրակի մարզի Անի համայնքի ավագանու 2022 թվականի նոյեմբերի 4-ի <<Հայաստանի Հանրապետության Շիրակի մարզի Անի համայնքի սեփականությունը հանդիսացող /քաղաք՝ Մարալիկ/ հողերից /կադաստրային ծածկագիր՝ 08-003-0020-0181/ աճուրդային եղանակով հողատարածք օտարելու, մեկնարկային գինն ու պայմանները հաստատելու մասին >> N 109-Ա որոշումը։

4. Սույն որոշումն ուժի մեջ է մտնում հրապարակման հաջորդ օրվանից։