Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 10-րդ հոդվածի 11-րդ մասի, 18-րդ հոդվածի 1-ին մասի 7-րդ և 42-րդ կետերի, <<Նորմատիվ իրավական ակտերի մասին>> Հայաստանի Հանրապետության օրենքի 1-ին հոդվածի 2-րդ մասի, 33-րդ հոդվածի 1-ին մասի 1-ին կետի, 34-րդ հոդվածի 1-3-րդ մասերի դրույթներով, հիմք ընդունելով Հայաստանի Հանրապետության Շիրակի մարզի Անի համայնքի ավագանու 2024 թվականի փետրվարի 15-ի N 7-Ա որոշումը․

1․ Հայաստանի Հանրապետության Շիրակի մարզի Անի համայնքի ավագանու 2024 թվականի հունիսի 26-ի <<Հայաստանի Հանրապետության Շիրակի մարզի Անիի համայնքապետարանի նախաձեռնությամբ Անի համայնքի հանրակրթական դպրոցներից ընտրված գերազանց առաջադիմություն ունեցող աշակերտներին, որպես խրախուսանք, դեպի վրաստան 3-օրյա շրջագայություն կազմակերպելու և համապատասխան դրամական հատկացում կատարելու մասին>> N 82-Ա որոշման 3-րդ կետը շարադրել նոր խմբագրությամբ՝ հետևյալ բովանդակությամբ․ <<3․ Սույն որոշման 1-ին կետում նշված շրջագայությունն ապահովելու համար Հայաստանի Հանրապետության Շիրակի մարզի Անիի համայնքի 2024 թվականի բյուջեի Գործառնական դասակարգման բաժին 08, խումբ 02, դաս՝ 04 /Այլ մշակութային կազմակերպություններ/ և տնտեսագիտական դասակարգման 4239 /ընդհանուր բնույթի այլ ծառայություններ/ հոդվածից հատկացնել 998 000 /իննը հարյուր իննսունութ հազար/ Հայաստանի Հանրապետության դրամ:>>։

2. Սույն որոշումն ուժի մեջ է մտնում ստորագրման պահից: