| Բովանդակություն * | Անի համայնքի ղեկավար Արման Սարիբեկյանը Անիի համայնքապետարանի նիստերի դահլիճում անցկացրել է 2024 թվականի առաջին աշխատանքային խորհրդակցությունը համայնքապետարանի ողջ անձնակազմի, ոլորտային ղեկավարների և գյուղերի վարչական ղեկավարների մասնակցությամբ , որին հաջորդել է համայնքային ենթակայության հիմնարկությունների աշխատակիցների հետ խորհրդակցությունը: Համայնքի ղեկավարը խորհրդակցությունները սկսեց ամանորյա շնորհավորանքներով և բարեմաղթանքներով ՝ մաղթելով բեղմնավոր աշխատանք և ձեռքբերումներով լի տարի։ Խորհրդակցության ընթացքում ամփոփվեցին 2023 թվականի համայնքի սեփական եկամուտների հավաքագրման ցուցանիշները, կատարված աշխատանքները, նշվեցին բացթողումները և դրանց լուծման հնարավորությունները։ Քննարկվեցին 2024 թվականի առաջնային անելիքները և գերակա ուղղությունները։ 2023 թվականին Անի համայնքի սեփական եկամուտների հավաքագրման ցուցանիշը կազմել է 264.347.900 դրամ, պլանային ցուցանիշը կատարվել է 97 %֊ով, որը 2022 թվականի փաստացի հավաքագրումից ավել է 67.262.600 դրամով։ Անդրադարձ կատարվեց աշխատանքային կարգուկանոնին և հետևողականությանը։ Համայնքի ղեկավար Արման Սարիբեկյանը նշեց, որ այս տարի պետք է առավել մեծ թափով աշխատել՝ ջանք ու եռանդ չխնայելով համայնքի զարգացման համար, քանզի դա է յուրաքանչյուրիս առաքելությունը։ |