Հուլիսի 14-ին կայացավ Անիի համայնքապետարանի աշխատակազմի գործակարգավարական հերթական նիստը։ Այն վարեց համայնքի ղեկավար Արման Սարիբեկյանը։
🔷 Արման Սարիբեկյանը նախ հետաքրքրվեց, թե համայնքի տարբեր բնակավայրերում իրականացվող շինհրապարակներում ի՞նչ տեմպով են ընթանում աշխատանքները, հանձնաժողովի անդամների կողմից թերություններ արձանագրվե՞լ են, թե՞ ոչ, արդյո՞ք դրանք ըստ սահմանված ժամանակացույցի են ընթանում։
«Հանձնաժողովները զուտ ձևական բնույթ չեն կրում, հանձնաժողովի յուրաքանչյուր անդամ իր պարտականությունը պետք է կատարի հավուր պատշաճի»,-ասում է համայնքի ղեկավարը։
Անդրադարձ կատարվեց նաև դաշտամիջյան ճանապարհների հարթեցմանը, որոնք ամեն անգամ անձրևային եղանակներից հետո կրկին դառնում են դժվարանցանելի։
Ուշադրությունից դուրս չմնաց նաև սեփական եկամուտների, այդ թվում գույքահարկի հավաքագրման գործընթացը։ «Բնակիչը վերջապես պետք է հասկանա, որ իր վճարած հարկերից է գոյանում այն հնարավորությունը, երբ համայնքում որևէ ծրագիր կամ աշխատանք կարելի է իրականացնել»,-ասում է Արման Սարիբեկյանը։
Ստորաբաժանումների ղեկավարներն ու ներկայացուցիչները, բացի անցած շաբաթվա ընթացքում կատարված աշխատանքները ներկայացնելուց, նաև խոսեցին առաջիկա օրերին նախատեսվող աշխատանքների մասին։ «Արատավոր երևույթների նկատմամբ՝ անհանդուրժողականություն, աշխատանքի կազմակերպում՝ առողջ մթնոլորտում և պատասխանատվության բարձր գիտակցումով»,- նիստը եզրափակեց Արման Սարիբեկյանը։ |