Հայաստանի Հանրապետության Շիրակի մարզի Անի համայնքի Անիավան բնակավայրի խորքային պոմպը փչացել է և ունի հրատապ վերանորոգման կարիք /ամբողջ բնակավայրը ջրազրկված է/ և Հայաստանի Հանրապետության Շիրակի մարզի Անի համայնքի Մարալիկ քաղաքի երաժշտական դպրոցի մասնաշենքի մի հատվածում՝ մասնավորապես միջանցքում, կատարվում են շինարարական աշխատանքներ և այդ աշխատանքներն արդյունավետ կազմակերպելու և որակյալ արդյունք ստանալու համար անհրաժեշտություն է առաջացել տնօրենի և փոխտնօրենի աշխատասենյակներում քանդման աշխատանքներ կատարել, ինչի հետևանքով անհրաժեշտ է իրականացնել վերոնշյալ սենյակներում առաջացած թերությունների վերացման և հատակի ուղղման աշխատանքներ:
Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 4-րդ կետի, <<Գնումների մասին>> Հայաստանի Հանրապետության օրենքի 23-րդ հոդվածի 2-րդ կետի և Հայաստանի Հանրապետության Կառավարության 2017 թվականի մայիսի 4-ի թիվ 526-Նորոշման N 1 Հավելվածով «Գնումների գործընթացի կազմակերպման կարգի» 23-րդ կետի 5-րդ մասի բ, գ ենթակետերի դրույթներով. Հայաստանի Հանրապետության Շիրակի մարզի Անի համայնքի ավագանին
որոշում է
Տալ համաձայնություն Հայաստանի Հանրապետության Շիրակի մարզի Անի համայնքի Անիավան բնակավայրի խորքային պոմպի և Հայաստանի Հանրապետության Շիրակի մարզի Անի համայնքի Մարալիկի երաժշտական դպրոցի շենքի սենյակների վերանորոգման աշխատանքները կազմակերպել մեկ անձից գնման ընթացակարգով, որի գինը կարող է գերազանցել գնումների բազային միավորը՝ 1000000 (մեկ միլիոն) Հայաստանի Հանրապետության դրամը։ |