| Բովանդակություն * | Գործակարգավարական հերթական խորհրդակցությունն է տեղի ունեցել Անի համայնքի ղեկավար Արման Սարիբեկյանի գլխավորությամբ։ Աշխատակազմի քարտուղարը նախ ներկայացրել է նախորդ շաբաթվա ընթացքում կատարված աշխատանքները։
Այնուհետև ստորաբաժանումների ղեկավարներն ու աշխատակիցներն են ներկայացրել անցած շաբաթվա ընթացքում իրականացված ու մեկնարկող աշխատանքները։ «Որդեգրել ենք աշխատանքային մի մեխանիզմ, որը պետք է գործի միայն ի նպաստ համայնքի․ բարեխիղճ աշխատանք ու նախկինում կիրարկված արատավոր երևույթների բացառում»,-ասել է Արման Սարիբեկյանը։ Համայնքապետը հերթական անգամ հանձնարարել է ոլորտային պատասխանատուներին իրենց բաժիններում կազմակերպվող աշխատանքի կամ վարչական կենտրոններ ու ենթահիմնարկներ այցելությունների ընթացքում առանձնացնել առկա խնդիրները, կազմել արձանագրություններ՝ դրանք հիմնավորելով հստակ փաստերով։ Ի դեպ, արձանագրությունները կարող են վերաբերվել ոչ միայն թերացումներին, այլև առավելություններին։ Արդեն աշխատակազմի քարտուղարին ներկայացնելուց հետո, փաստացի տվյալների հիման վրա կգույքագրվեն առկա խնդիրները, աչքաթող չի արվի նաև կատարված լավ գործը։ Արման Սարիբեկյանը ևս մեկ անգամ ներկաներին հորդորեց բացատրական աշխատանքներ տանել համայնքի բնակիչների հետ՝ ժամանակին վճարելու բոլոր հարկատեսակները։ 💬«Բարեխղճորեն կատարված վճարներից է առաջանում համայնքի այս կամ այն բնակավայրում կառուցապատման կամ բարեկարգման աշխատանքներ իրականացնելու հնարավորությունը»,-ընդգծում է համայնքի ղեկավարն ու եզրափակում, որ առողջ քննադատությունից պետք չէ խուսափել, այլ հարկավոր է դրանից բխող եզրահանգումներ անել՝ կրկին ի շահ համայնքի։ |