<<Շեն>> բարեգործական հասարակական կազմակերպության, Հայաստանի Հանրապետության Շիրակի մարզի Անի համայնքի Հայկաձոր և Իսահակյան բնակավայրերի երիտասարդական նախաձեռնող խմբերի կողմից Հայաստանի Հանրապետության Շիրակի մարզի Անի համայնքապետարան է ներկայացվել Հայաստանի Հանրապետության Շիրակի մարզի Անի համայնքի <<Սառնաղբյուրի մանկապարտեզ>> համայնքային ոչ առևտրային կազմակերպության շենքի նորոգման, 44-օրյա պատերազմում զոհվածների հիշատակը հավերժացնող պուրակ այգիների կառուցման առաջարկություններ, որտեղ նշված նախաձեռնող խմբերը պատրաստակամություն են հայտնել այգիների կառուցման շինարարական աշխատանքներին իրենց մասնակցությունն ապահովել աշխատանքի և շինարարական նյութերի տեսքով։ Շինարարական աշխատանքները Հայաստանի Հանրապետության օրենքների շրջանականներում իրականացնելու և Անիի համայնքապետարանի մասնակցությունը վերը նշված նախաձեռնությանն ապահովելու համար անհրաժեշտություն է առաջացել կազմակերպել հրատապ գնման գործընթաց և ղեկավարվելով <<Տեղական  ինքնակառավարման  մասին>>   Հայաստանի Հանրապետության օրենքի 18-րդ հոդվածի 1-ին մասի 4-րդ կետի, <<Գնումների մասին>> Հայաստանի Հանրապետության օրենքի 23-րդ հոդվածի 1-ին մասի 2-րդ կետի  և Հայաստանի Հանրապետության Կառավարության 2017 թվականի մայիսի 4-ի թիվ 526-Նորոշման N 1 հավելվածով հաստատված՝գնումների գործընթացի կազմակերպման կարգի  23-րդ  կետի 5-րդ ենթակետի <<բ>> և <<գ>> պարբերություններով.

 Հայաստանի Հանրապետության Շիրակի մարզի Անի համայնքի ավագանին

 որոշում է

Տալ համաձայնություն Հայաստանի Հանրապետության Շիրակի մարզի Անի համայնքի Հայկաձոր, Իսահակյան բնակավայրերում այգիների կառուցման և Հայաստանի Հանրապետության Շիրակի մարզի Անի համայնքի <<Սառնաղբյուրի մանկապարտեզ>> համայնքային ոչ առևտրային կազմակերպության  շենքի նորոգման աշխատանքները կազմակերպել մեկ անձից գնման ընթացակարգով, որի գինը կարող է գերազանցել գնումների  բազային միավորը 1000,0 (մեկ միլիոն) Հայաստանի Հանրապետության դրամ։