Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 19-րդ կետի, Հայաստանի Հանրապետության կառավարության 2020 թվականի դեկտեմբերի 3-ի N 1994 որոշմամբ հաստատված <<Հայաստանի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներ իրականացնող կազմակերպություններ և անհատ ձեռնարկատերեր ընտրելու մրցույթ անցկացնելու կարգի>> 69-րդ կետի դրույթներով, հիմք ընդունելով Հայաստանի Հանրապետության տարածքային կառավարման և ենթակառուցվածքների նախարարի 2025 թվականի սեպտեմբերի 5-ի N ԴԽ/25․2/30415-2025 գրությունը՝ «Լանջիկ-Մարալիկ-Գուսանագյուղ-Գյումրի» ներմարզային երթուղու ժամանակավոր սպասարկման գործընթացի կազմակերպմանը համաձայնություն տալու վերաբերյալ, հաշվի առնելով Լանջիկ, Մարալիկ և Գուսանագյուղ բնակավայրերի բնակչության խնդրանքը.

1. Սահմանել Հայաստանի Հանրապետության Շիրակի մարզի Անի համայնքի սեփականությունը հանդիսացող <<ՊԱԶ>> մակնիշի 936LL70 պետական համարանիշի ավտոբուսով /փոխարինող տրանսպորտային միջոցը՝ <<ՖՈՐԴ>> մակնիշի 933 LL70 պետական համարանիշի ավտոբուս/ Լանջիկ-Մարալիկ-Գուսանագյուղ-Գյումրի և հետադարձ երթուղով ժամանակավորապես ուղևորափոխադրումների ծառայություններ մատուցելու դիմաց վճարների դրույքաչափերը՝ համաձայն հավելվածի։

2. Սույն որոշումն ուժի մեջ է մտնում հրապարակման հաջորդող օրվանից և գործում է մինչև Հայաստանի Հանրապետության կառավարության 2020 թվականի դեկտեմբերի 3-ի N 1994 որոշմամբ հաստատված կարգով՝ ավտոմոբիլային տրանսպորտով Լանջիկ-Մարալիկ-Գուսանագյուղ-Գյումրի և հետադարձ երթուղու ուղևորների կանոնավոր փոխադրումներ իրականացնող կազմակերպության ընտրությունը։