Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, 43-րդ հոդվածի 1-ին մասի 4-րդ կետի, Հայաստանի Հանրապետության կառավարության 2009 թվականի սեպտեմբերի 17-ի N 1066-Ն որոշմամբ հաստատված «Հայաստանի Հանրապետության գյուղատնտեսական նշանակության հողերի հողատեսքերի փոփոխման կարգի» կարգի 7-9-րդ կետերի դրույթներով և հաշվի առնելով, որ Սառնաղբյուր բնակավայրի վարչական սահմաններում գտնվող գյուղատնտեսական նպատակային նշանակության 3-րդ կարգի հինգ կտոր արոտ հողատեսքի հողամասերը անհայտ անձանց կողմից իրականացված միջոցառումների արդյունքում փաստացի դարձել են վարելահող հողատեսքի հողամասեր․

1. Հայաստանի Հանրապետության Շիրակի մարզի Անի համայնքի Սառնաղբյուր բնակավայրերի վարչական սահմաններում գտնվող, համայնքի սեփականություն հանդիսացող սույն որոշման հավելվածով նախատեսված գյուղատնտեսական նպատակային նշանակության 3-րդ կարգի արոտ հողատեսքի հինգ կտոր հողամասերի հողատեսքը փոխել ավելի բարձրարժեք հողատեսքի` 3-րդ կարգի անջրդի վարելահողի։

2. Գյուղատնտեսական նշանակության հողամասի հողատեսքի փոփոխման վերաբերյալ սույն որոշման մեկ օրինակը մեկ աշխատանքային օրվա ընթացքում տրամադրել Հայաստանի Հանրապետության կադաստրի կոմիտեի Շիրակի մարզային ստորաբաժանմանը:

3. Գյուղատնտեսական նշանակության հողամասի հողատեսքի` սույն որոշմամբ կատարված փոփոխությունն արտացոլել համայնքի հողային հաշվեկշռում:

4․ Սույն որոշումից բխող իրավունքները օրեքով սահմանված կարգով ենթարկել պետական գրանցման։

5․ Որոշումն ուժի մեջ է մտնում ստորագրման պահից։