| Բովանդակություն * | Սեպտեմբերի 15-ին Անիի համայնքապետարանում անցկացվեց ամենշաբաթյա գործակարգավարական խորհրդակցություն՝ Արման Սարիբեկյանի գլխավորությամբ։ Նախորդ շաբաթվա ընթացքում իրականացված աշխատանքների ամփոփ տեղեկատվությունը նախ ներկայացրեց համայնքապետարանի աշխատակազմի քարտուղարը։ Այնուհետև համայնքապատկան կառույցների ղեկավարները Արման Սարիբեկյանին ներկայացրին իրենց հիմնարկներում առկա վիճակը, խնդիրներն ու դրանց լուծման հնարավոր տարբերակները։ Հերթը ոլորտային պատասխանատուներինն էր։ Առաջիկայում և գալիք տարում կշարունակվեն միջազգային գործընկեր կազմակերպությունների հետ համագործակցությունները։Ծրագրերը մշակման փուլում են։ Խիստ վերահսկողություն համայնքում իրականացվող շինարարական աշխատանքների նկատմամբ։ «Շինկազմակերպությունների մոտ առաջացած խնդիրները չպետք է ազդեն համայնքում իրականացվող շինծրագրերի որակի կամ ժամկետներում տեղավորվելու վրա։ Զիջումներ չեն լինելու։ Ավելին, համայնքն համապատասխան վերաբերմունք կդրսևորի անբարեխիղճ շինարարների հանդեպ»,-փաստեց Արման Սարիբեկյանը։ |