| Բովանդակություն * | Հերթական գործակարգավարական նիստն է տեղի ունեցել Անիի համայնքապետարանում՝ Անի համայնքի ղեկավար Արման Սարիբեկյանի նախագահությամբ։ Նախորդ շաբաթվա աշխատանքային անցուդարձը յուրաքանչյուր ստորաբաժանման ղեկավար ներկայացրել է մեկ առ մեկ։ Հատկանշական էր նախորդ շաբաթվա ընթացքում Անի համայնքի Մարալիկ, Սառնաղբյուր և Լանջիկ բնակավայրերի մանկապարտեզներում թափուր հաստիքների համար տեղի ունեցած մրցույթները։Հայտարարված մրցույթներում որոշ մասնակիցներ չեն հաղթահարել անցողիկ շեմը, ինչն, ըստ ոլորտի պատասխանատուի, մտահոգիչ է ու անհանգստացնող։ Համայնքի ղեկավարն այս առնչությամբ նշեց, որ օրենքի շրջանակում տվյալ թափուր հաստիքների համար կրկին կհայտարարվեն մրցույթներ, միաժամանակ հորդորեց՝ մասնակիցները չպետք է մատների արանքով նայեն այս մրցույթներին ու պետք է պատրաստված ներկայանան դրանց։ Արման Սարիբեկյանը նաեւ ստորաբաժանման ղեկավարին հանձնարարարեց շարունակաբար խիստ վերահսկողություն իրականացնել համայնքային ենթակայությամբ գործող բոլոր մանկապարտեզներում սննդի մատակարարման գործընթացին։ «Մատաղ սերնդին առողջ սննդով ապահովելը մեր ամենօրյա պարտքն է ։Յուրաքանչյուր երեխային հատկացվելիք սննդի չափաբաժինը մշտապես պետք է լինի թարմ, էկոլոգիապես մաքուր ու անարատ»,-ասում է Արման Սարիբեկյանը։ Խորհրդակցության ընթացքում անդրադարձ կատարվեց նաև համայնքի ղեկավարի կողմից նախորդիվ տրված հանձնարարականների կատարման ընթացքին։Զեկուցվեց՝ դրանք հիմնականում իրականացված են։ Հաջորդիվ, ոլորտի պատասխանատուները ներկայացրին առաջիկայում նախատեսված աշխատանքները։ Հատուկ ուշադրություն է դարձվելու հարկահավաքության գործընթացին։ «Անվերապահ աշխատանք՝ ի շահ համայնքի»,-այսպես եզրափակեց խորհրդակցությունը Արման Սարիբեկյանը։ |