2023 թվականի փետրվարի 20-ին ժամը 12։00-ին Հայաստանի Հանրապետության Շիրակի մարզի Անի համայնքի Անիպեմզա բնակավայրում կայացած հանրային լսումներին մասնակցում էին <<Ծիրանատուֆ>> ՍՊԸ-ի տնօրեն՝ Վախթանգ Գրիգորյանը, Հայաստանի Հանրապետության Շիրակի մարզի Անի համայնքապետարանի ներկայացուցիչներ՝ Հարություն Համբարյանը, Վահագն Սարոյանը, Անանիկ Ուռումյանը և բնակավայրի բնակիչները։
ՍՊԸ-Ի տնօրեն Վախթանգ Գրիգորյանը ներկայացրեց, որ բնակավայրի վարչական սահմաններում <<Ծիրանատուֆ>> ՍՊ ընկերությունը ցանկանում է իրականացնել հանքարդյունահանման աշխատանքներ <<Քար 1>> ապարների հանքավայրում։ Հանքավայրի շահագործումը կնպաստի նոր աշխատատեղերի ստեղծմանը և աշխատանքի մեջ կընդգրկվեն հիմնականում բնակավայրի և հարակից գյուղերի բնակիչները։ Ընկերությունը կապահովի բնապահպանական բոլոր նորմերի պահպանումը, ակտիվորեն կմասնակցի համայնքի սոցիալ-տնտեսական զարգացման աշխատանքներին։ Ամփոփելով խորհրդակցության արդյունքներն Անի համայնքի ներկայացուցիչ՝ Հարություն Համբարյանը նշեց նախատեսվող աշխատանքների կարևորությունը բնակավայրի հետագա սոցիալ-տնտեսական զարգացման համար։ Փաստվեց նաև, որ աշխատանքների ընթացքում պետք է պահպանվեն բնակավայրի բնակիչների շահերը և բնակավայրը տալիս է իր նախնական համաձայնությունը ընկերությանը սահմանված կարգով իրականացնելու հանքավայրի շահագործման աշխատանքները։