Այսօր Անի համայնքի ղեկավար Արման Սարիբեկյանի գլխավորությամբ տեղի ունեցավ հերթական աշխատանքային խորհրդակցությունը։ Օրակարգում ներառված էին

1. Անիի համայնքապետարանի աշխատակազմի ստորաբաժանումների անցած շաբաթվա կատարած աշխատանքների ամփոփումը և գալիք շաբաթվա անելիքները.

2.Փոխհամագործակցության խորացումը այլ գերատեսչությունների հետ.

3.Կարգապահական բնույթի հարցեր.

4. Համայնքի բնակիչների` համայնքի ղեկավարի մոտ ընդունելության նոր ձևաչափի քննարկում. Համայնքի ղեկավար Արման Սարիբեկյանը տվեց համապատասխան ստորաբաժանումների ղեկավարներին հանձնարարականներ, Անի համայնքի տարածքում ապօրինի տեղադրված տնակների ապամոնտաժման շարունակականության մասին։ Համայնքի ղեկավարը նաև կարևորեց համայնքի բնակիչների հետ շփվելիս խստորեն պահպանել բարեվարքության կանոնները, հնարավորինս արագ և սպառիչ պատասխաններ տալ բնակիչներին հուզող հարցերին։ Ստորաբաժանումների ղեկավարների կողմից հնչեցին առաջարկություններ աշխատանքների արդյունավետության բարձրացման վերաբերյալ։