Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 6-րդ կետի դրույթով, հիմք ընդունելով Հայաստանի Հանրապետության Շիրակի մարզի Անի համայնքի ղեկավարի և <<Դեպի Հայք>> հիմնադրամի գործադիր տնօրենի միջև 2025 թվականի մայիսի 30-ին ստորագրված համաձայնագիրը. 1. Տալ համաձայնություն՝ <<Դեպի Հայք>> հիմնադրամի կողմից Մարալիկի արվեստի դպրոցի շենքի մեկ միջանցքի և երեք դասասենյակների վերանորոգման ծրագրի իրականացմանը։ 2․ Հայաստանի Հանրապետության Շիրակի մարզի Անի համայնքի 2025 թվականի բյուջեի Գործառական դասակարգման բաժին 01, խումբ 06, դաս 01 (Ընդհանուր բնույթի հանրային ծառայություններ) և տնտեսագիտական դասակարգման 4637 (Ընթացիկ դրամաշնորհներ պետական և համայնքային ոչ առևտրային կազմակերպություններին) հոդվածից 1 300 000 (մեկ միլյոն երեք հարյուր հազար) ՀՀ դրամ հատկացնել Հայաստանի Հանրապետության Շիրակի մարզի Անի համայնքի <<Մարալիկի Արվեստի դպրոց>> բյուջետային հիմնարկին՝ <<Դեպի Հայք>> հիմնադրամի կողմից իրականացվող արվեստի դպրոցի մեկ միջանցքի և երեք դասասենյակների վերանորոգման ծրագրով նախատեսված աշխատանքների վարձատրության /820 000 ՀՀ դրամ/ և ծրագրում ընդգրկված կամավորներին սննդով ապահովելու համար /480 000 ՀՀ դրամ/:
2. Սույն որոշումն ուժի մեջ է մտնում ստորագրման պահից: |