«300 դպրոց, 500 մանկապարտեզ» պետական ծրագրի շրջանակում 2025 թվականին Անի համայնքի Շիրակավան և Ջրափի բնակավայրերում նախատեսվում է կառուցել 250 աշակերտ/տեղ հզորության հանրակրթական նոր դպրոցներ։
Շինաշխատանքները մեկնարկել են նախորդ տարվա վերջից, վերսկսվել ընթացիկ տարում՝ եղանակները տաքանալուն զուգահեռ։
Տարբեր ծրագրերով համայնքի բնակավայրերում իրականացվող շինաշխատանքները գտնվում են համայնքի ղեկավար Արման Սարիբեկյանի անմիջական վերահսկողության ներքո։
Շինաշխատանքների ընթացքին հետևելու նպատակով Արման Սարիբեկյանը եղել է Ջրափի և Շիրակավան բնակավայրերում կառուցվող դպրոցների շինհրապարակներում: