Հայաստանի Հանրապետության Շիրակի մարզի Անի համայնքապետարանի կարիքների համար Հայաստանի Հանրապետության Շիրակի մարզի Անի համայնքի Լանջիկ բնակավայրի խմելու ջրի ջարամատակարարման ներքին ցանցի նախագծանախահաշվային փաստաթղթերը կազմվել են երրորդ կողմ հանդիսացող ներդրողի միջոցներով և Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրի շրջանակներում։ Ելնելով լրացուցիչ նախագծանախահաշվային փաստաթղթերի կազմման անհրաժեշտությունից և Հայաստանի Հանրապետության Շիրակի մարզի Անի համայնքի կողմից 2022 թվականի սուբվենցիոն ծրագրերի պետական փորձաքննություն անցկացնելու անհրաժեշտությունից, ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 42-րդ կետի, <<Գնումների մասին>> Հայաստանի Հանրապետության օրենքի 23-րդ հոդվածի 2-րդ կետի և Հայաստանի Հանրապետության Կառավարության 2017 թվականի մայիսի 4-ի թիվ 526-Նորոշման 23-րդ կետի 5-րդ ենթակետի գ) պարբերության դրույթներով. Հայաստանի Հանրապետության Շիրակի մարզի Անի համայնքի ավագանին
որոշում է
1․ Տալ համաձայնություն Հայաստանի Հանրապետության Շիրակի մարզի Անի համայնքապետարանի կարիքների համար Հայաստանի Հանրապետության Շիրակի մարզի Անի համայնքի Լանջիկ բնակավայրի խմելու ջրի ջարամատակարարման ներքին ցանցի նախագծանախահաշվային փաստաթղթերի կազմման ծառայության ձեռքբերումը կազմակերպել մեկ անձից գնման ընթացակարգով, որի գինը կարող է գերազանցել գնումների բազային միավորը՝ 1000000 (մեկ միլիոն) Հայաստանի Հանրապետության դրամը։
2․ Տալ համաձայնություն Հայաստանի Հանրապետության Շիրակի մարզի Անի համայնքապետարանի կարիքների համար 2022 թվականի Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրի նախագծանախահաշվային փաստաթղթերի պետական փորձաքննությունը կազմակերպել մեկ անձից գնման ընթացակարգով, որի գինը կարող է գերազանցել գնումների բազային միավորը՝ 1000000 (մեկ միլիոն) Հայաստանի Հանրապետության դրամը։
|