Զեկ. ԱՐՏԱԿ ԳԵՎՈՐԳՅԱՆ

                Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետի  և <<Նորմատիվ իրավիրավական ակտերի մասին>> Հայաստանի Հանրապետության օրենքի 37-րդ հոդվածի 2-րդ մասի դրույթներով

Հայաստանի  Հանրապետության  Շիրակի  մարզի  Անի համայնքի  ավագանին որոշում է՝

1. Հայաստանի Հանրապետության Շիրակի մարզի Անի համայնքի  Ձիթհանքով, Քարաբերդ բնակավայրերի ջրամատակարարման համակարգը նվիրաբերել Հայաստանի Հանրապետությանը՝ ի դեմս Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեին:

2. Հայաստանի Հանրապետության Շիրակի մարզի Անի համայնքի  Ձիթհանքով, Քարաբերդ  բնակավայրերի ջրամատակարարումն  իրականացնել <<Վեոլիա Ջուր>> փակ բաժնետիրական ընկերության միջոցով:

        3․ Ուժը կորցրած ճանաչել Հայաստանի Հանրապետության Շիրակի մարզի Անի համայնքի ավագանու 2018 թվականի նոյեմբերի 30-ի <<Հայաստանի Հանրապետության Շիրակի մարզի Անի համայնքի Սառնաղբյուր, Ձիթհանքով, Քարաբերդ և Գուսանագյուղ բնակավայրի ջրամատակարարման համակարգը Հայաստանի Հանրապետությանը նվիրաբերելու և Հայաստանի Հանրապետության Շիրակի մարզի Անի համայնքի Սառնաղբյուր, Ձիթհանքով, Քարաբերդ և Գուսանագյուղ բնակավայրերի ջրամատակարարումը <<Վեոլիա Ջուր>> փակ բաժնետիրական ընկերության միջոցով իրականացնելու մասին>> թիվ 71 որոշումը։