Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 31-րդ կետի, Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետի, 8-րդ հոդվածի 1-ին մասի, Հայաստանի Հանրապետության կառավարության 2011 թվականի դեկտեմբերի 29-ի թիվ 1918-Ն որոշման 2-րդ և նույն որոշմամբ հաստատված կարգի 17-րդ կետերի դրությներով և հիմք ընդունելով Հայաստանի Հանրապետության վարչապետի 2001 թվականի օգոստոսի 13-ի թիվ 599 որոշմամբ ստեղծված հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2017 թվականի նոյեմբերի 13-ի թիվ 136 դրական եզրակացությունը
Հայաստանի Հանրապետության Շիրակի մարզի Անի համայնքի ավագանին որոշում է
- Հաստատել Հայաստանի Հանրապետության Շիրակի մարզի Անի համայնքի Լուսաղբյուր բնակավայրի հողերի օգտագործման ժամանակավոր սխեման՝ համաձայն հավելվածի, որով նախատեսվում է համայնքի վարչական սահմանում գտնվող համայնքի սեփականություն հանդիսացող 08-049-0226- կադաստրային ծածկագրով 0,00324 հեկտար գյուղատնտեսական նշանակության արոտ հողատեսքի հողամասը փոխադրել բնակավայրի հողերի կատեգորիա՝ բնակելի կառուցապատման գործառնական նշանակություն, այդ հողամասում քաղաքցի Ժորա Հովհաննեսի Կարապետյանի կողմից 2002 թվականին ինքնակամ կառուցված ավտոտնակի շինությունն օրինականացնելու և հողամասի նպատակային ու գործառնական նշանակությանը համապատասխան թույլատրված հողօգտագործում ապահովելու նպատակով:
- Հայաստանի Հանրապետության Շիրակի մարզի Անի համայնքի ղեկավար՝Արտակ Գևորգյանին
1) Ապահովել հողամասի նպատակային նշանակության փոփոխման պահին առկա կադաստրային արժեքի տարբերության գանձումը, եթե հողամասի նպատակային նշանակության փոփոխումից հետո դրա կադաստրային արժեքն ավելի բարձր է, քան՝ մինչև փոփոխումը:
2) Ապահովել անշարժ գույքի նկատմամբ քաղաքցու իրավունքի պետական գրանցումը:
3) Հողամասի նպատակային նշանակության փոփոխության և հողերի ընթացիկ հաշվառման տվյալների հիման վրա համայնքի հողային հաշվեկշռում կատարել համապատասխան փոփոխություն: