Համաձայն Հայաստանի Հանրապետության կառավարության 2018 թվականի մայիսի 17-ի <<Ենթակառուցվածքների և գյուղական ֆինանսավորման աջակցություն>> ծրագրի շրջանակներում ստեղծված գույքը Հայաստանի Հանրապետության համայնքներին նվիրաբերելու մասին թիվ 572-Ա որոշման և ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 77-րդ հոդվածի 3-րդ մասի դրույթներով Հայաստանի Հանրապետության Շիրակի մարզի Անի համայնքի ավագանին որոշում է՝
Հայաստանի Հանրապետության Շիրակի մարզի Անի համայնքիՍառնաղբյուր գյուղի 859006473 ( ութ հարյուր հիսունինը միլիոն վեց հազար չորս հարյուր յոթանասուներեք) Հայաստանի Հանրապետության դրամ արժեքով 34211 գծամետր երկարությամբ ջրամատակարարման վերակառուցման համակարգը, Հայաստանի Հանրապետության Շիրակի մարզի Անի համայնքի Գուսանագյուղ գյուղի 469511485 ( չորս հարյուր վաթսունինը միլիոն հինգ հարյուր տասնմեկ հազար չորս հարյուր ութսունհինգ) Հայաստանի Հանրապետության դրամ արժեքով 15544 գծամետր երկարությամբ ջրամատակարարման վերակառուցման համակարգ Հայաստանի Հանրապետության Շիրակի մարզի Անի համայնքի Ձիթհանքով գյուղի 312697125 (երեք հարյուր տասներկու միլիոն վեց հարյուր իննսունյոթ հազար մեկ հարյուր քսանհինգ) Հայաստանի Հանրապետության դրամ արժեքով 14954 գծամետր երկարությամբ ջրամատակարարման վերակառուցման համակարգը ընդունել որպես նվեր և նշված գույքը ներառել Հայաստանի Հանրապետության Շիրակի մարզի Անի համայնքի սեփականություն համարվող գույքի ցանկում: Եռամսյա ժամկետում ապահովել նշված գույքի
նվիրաբերության պայմանագրերի կնքումը և նոտարական վավերացման, գույքային իրավունքների պետական գրանցման և հանձնման-ընդունման գործընթացներն իրականացնել Անի համայնքի միջոցների հաշվին: |