Ղեկավարվելով <<Տեղական ինքնակառավարման մասին>> Հայաստանի Հանրապետության
օրենքի 18-րդ հոդվածի 1-ին մասի 42-րդ կետի դրույթներով
Հայաստանի Հանրապետության Շիրակի մարզի Անի համայնքի ավագանին որոշում է
Հայաստանի Հանրապետության Շիրակի մարզի Անի համայնքապետարանում արդեն մեկ ու կես տարի է տարբեր գերատեսչությունների՝ մարզպետարանի, տարածքային կառավարման և ենթակառուցվածներինախարարության, պետական վերահսկողական ծառայության, քննչական ծառայության, ոստիկանության և այլ կառույցների կողմից անընդհատ կատարվել և կատարվում են տարբեր ստուգումներ։ Ստուգումների փաստի հետ կապված հարկ ենք համարում հայտնել մեր մտահոգությունը դրա իրականացման ձևի ու ընթացակարգի կապակցությամբ, մասնավորապես, երբ տարբեր կառույցներ զուգահեռաբար պահանջում են միևնույն փաստաթղթերը, որոնք արդեն ստուգվել են նախկինում և նորից ներկայացվում են ստուգման՝ ստուգում իրականացնող այլ մարմնի։
Այդ ամենը դիտարկվում է որպես հետապնդում, ճնշում, որը միտված է խաթարելու Հայաստանի Հանրապետության Շիրակի մարզի Անի համայնքապետարանի գործունեությունը։
Հայաստանի Հանրապետության Շիրակի մարզի Անի համայնքի ավագանին ողջունում է համայնքապետի և համայնքապետարանի աշխատակազմի գործունեությունը, աշխատանքների կազմակերպմանը տարբեր բնակավայրերում ի շահ համայնքի և համայնքի ազգաբնակչության, հայտնում է իր զորակցությունը, տալիս իր վստահությունն ու աջակցությունը Հայաստանի Հանրապետության Շիրակի մարզի Անի համայնքի ղեկավարին, աշխատակազմին և ազգաբնակչությանը։