Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության հողային օրենսգրքի 48-րդ հոդվածի 3-րդ, 4-րդ մասերի, 76-րդ հոդվածի 2-րդ և 3-րդ մասերի և <<Նորմատիվ իրավական ակտերի մասին>> Հայաստանի Հանրապետության օրենքի 37-րդ հոդվածի 2-րդ մասի դրույթներով
Հայաստանի Հանրապետության Շիրակի մարզի Անի համայնքի
ավագանին որոշում է
1. Հայաստանի Հանրապետության Շիրակի մարզի Անի համայնքի Գուսանագյուղ բնակավայրի սեփականությունը հանդիսացող սույն որոշման հավելվածում նշված հողամասերը համայնքային նշանակության զբոսայգի հիմնելու, կանաչապատելու նպատակով մրցույթով տրամադրել վարձակալության:
2. Հաստատել զբոսայգի հիմնելու, կանաչապատելու նպատակով վարձակալության իրավունքով օգտագործման տրամադրվող հողամասերի մրցույթի պայմաններն ու վարձավճարի մեկնարկային չափերը՝ համաձայն հավելվածի:
3. Ուժը կորցրած ճանաչել Հայաստանի Հանրապետության Շիրակի մարզի Անի համայնքի ավագանու 2018 թվականի մայիսի 29-ի <<Համայնքային նշանակության զբոսայգի կառուցապատելու նպատակով Հայաստանի Հանրապետության Շիրակի մարզի Անի համայնքի Գուսանագյուղ բնակավայրի սեփականությունը հադիսացող հողերից մրցույթով հողամասեր վարձակալության տրամադրելու մասին>> թիվ 33-Ն որոշումը։